ווערטער פֿון דער וואָך (זעט די רשימה אונטן)

Verter fun der vokh (Zet di reshime untn)
Words of the Week (See the list below)

Click here for English

אין פֿעברואַר 2013 האָט די ייִדיש־ליגע לאַנצירט די רובריק „ווערטער פֿון דער וואָך“ אויף איר פֿייסבוק־זײַטל League for Yiddish. עטלעכע הונדערט רשימות האָבן זיך שוין זינט דעמאָלט באַוויזן אויף אַלע מינים טעמעס — קאָכן, פּאָליטיק, יום־טובֿים, ספּאָרט, קליידונג, חיות, געזונט און אָן אַ שיעור אַנדערע. כאָטש די ווערטער זענען אַרויסגעוואַקסן פֿונעם מאַנוסקריפּט פֿונעם אַרומנעמיק ענגליש־ייִדיש ווערטערבוך (וואָס איז אַרויס ערשט אין 2016), האָט עס אויסגענומען אויף פֿייסבוק ווי אַ סעריע פֿאַר זיך.

די וואָכיקע טעמאַטישע רשימות שטעלן מיר אויף פֿייסבוק נאָך ביזן הײַנטיקן טאָג און מיר שיקן זיי אַרויס צו אונדזער עלעקטראָנישער פּאָסט־רשימה. אונדזערע לייענערס און ליבהאָבערס לעקן זיך די פֿינגער און שיקן אונדז קאָמענטאַרן וועגן דעם. האָבן מיר באַשלאָסן צו שטעלן די רשימות אויך אויף אונדזער וועבזײַטל (יעדע וואָך וועט מען צוגעבן די נײַע רשימה), אין אַלפֿאַבעטישן סדר פֿון די טעמעס, כּדי נאָך מער פֿאַראינטערעסירטע ייִדיש־רעדערס, ־לייענערס, ־סטודענטן און ־ליבהאָבערס זאָלן זיך טאַקע דערוויסן ווי מע זאָגט אַזאַ און אַזאַ וואָרט, און דערבײַ אויך הנאה האָבן!

אַ פֿריִערדיקער נוסח פֿון „ווערטער פֿון דער וואָך“ – אין משך פֿון די יאָרן 2002־2009 – האָט געהייסן „ווזמאַ״י?“, די ראָשי־תּיבֿות פֿון „ווי זאָגט מען אויף ייִדיש?“, וואָס די ייִדיש־ליגע האָט אָנגעפֿירט מיט דעם און וואָס מע האָט אין יענע יאָרן צעשיקט דורך דער בליצפּאָסט. אַ סך פֿון יענע ווערטער זענען לסוף אַרײַן אינעם אַרומנעמיק ענגליש־ייִדיש ווערטערבוך , וואָס מע קען בײַ אונדז קויפֿן אָט דאָ.


In February 2003 the League for Yiddish launched the popular series “Verter fun der Vokh” (Words of the Week) on our Facebook page, League for Yiddish. Several hundred of these thematic lists have appeared in the years since, on all sorts of topics: cuisine, politics, holidays, sports, clothing, animals, health and many others. Although the words were mostly culled from our manuscript of the Comprehensive English-Yiddish Dictionary (which was published by Indiana University Press in 2016), it became a “thing” in and of itself.

The weekly thematic lists continue to be posted on Facebook every week. They are also sent to our electronic mailing list. Our readers and followers learn from and get a kick out of the “Verter fun der Vokh” and frequently send us comments. As a result, we’ve decided to post past lists in alphabetical order of the topics (to be supplemented every week with new ones), so any Yiddish speaker, reader, student or lover who visits our website can also learn how to say these words in Yiddish and have fun doing so!

An earlier incarnation of “Verter fun der Vokh” — during the years 2002-2009 — was “VZMAY?” or “Vi Zogt Men af Yidish?” (How Do You Say it in Yiddish?”). That project was also sponsored by the League for Yiddish and distributed via email. Many of those words made it into the Comprehensive English-Yiddish Dictionary, which we invite you to purchase here.